Bashkia e Lezhës ka nisur punën për rehabilitimin e 3,5 km rrugë që lidh superstradën me Blinishtin dhe vijon drejt fshatit turistik të Fishtës. Kjo rrugë i shërben agroturizmit, pasi në zonë ndodhen disa restorante agroturizmi, si dhe do të përmirësojë jetën e 4 mijë banoreve.
Bashkia parashikon po ashtu të ndërhyjë edhe në kryqëzimin e Blinishtit, njëri nga më të rrezikshmit dhe ku kanë ndodhur shumë aksidente, për ta zgjeruar duke shmangur aksidentet. Rruga pritet të përfundojë brenda muajit maj dhe do t’i japë një nxitje të rëndësishme zhvillimit të agroturizmit në këtë zonë.
