A ka komunikim mes Ramës dhe Bashës qoftë edhe me ndërmjetësues? Kësaj pyetjeje Mimi Kodheli i është përgjigjur duke thënë se qeveria e ka detyrim që të shtrijë dorën opozitës për dialog ashtu siç e ka detyrim edhe opozita.
“Unë do ia vija emri dialog. Eshtë në detyrimin e kryeministrit që ta bëjë këtë gjë, ashtu siç e ka detyrim opozita. Jemi në kohë dhe është absolutisht e mundur. Janë të lutur që të ulen në tryezë dhe të gjendet një zgjidhje për hirë të popullit. Ultimatum në Shqipëri nuk ka. Dialogu sjell në tryezë të pamundurën. Nuk mund të jetë ultimatum, por vetëm dialog.” është shprehur Kodheli në Report Tv.
