Partizani ka marrë tre pikët që i nevojiteshin në duelin e sotëm përballë Luftëtarit, duke shkuar i vetëm në kreun renditjes së kampionatit me 21 pikë, për të nisur një arrati të vogël ndaj ndjekësve të tij kryesorë në Superiore. Por të kuqtë kanë vuajtur më shumë se sa pritej përballë Luftëtarit sot dhe duhet të falënderojnë Alban Hoxhën. Kapiteni u tregua vendimtar në pjesën e parë, duke pritur një penallti të Rapos që mund të kishte komplikuar shumë ndeshjen e më pas duke bërë disa ndërhyrje të mira për t’i dhënë sigurinë prapavijës e cila e kthyer në rreshtimin me 3 nuk po funksiononte siç duhej.
Në fraksionin e dytë të lojës Lerda ndryshoi skemë dhe hodhi në fushë Asanin, duke i dhënë më shumë impuls sulmit. Të kuqtë zgjidhën më pas shpejt ndeshjen me dy gola të shpejtë të Çinarit dhe të vetë Asanit pas një penalltie që fitoi ky i fundit. Në atë moment praktikisht ndeshja u mbyll, pasi Luftëtari dukej i dorëzuar në fatin e tij dhe në minutat në vazhdim u shfaq rrallëherë kërcënues përballë Hoxhës.
Partizani-Luftëtari 2-0
54′ Çinari, 56′ (p) Asani
