Një efektiv policie është plagosur me thikë nga dy persona. Ngjarja ka ndodhur në Peshkopi, ndërsa bëhet e ditur se polici ka qenë jashtë shërbimit.
“Rreth orës 13.30, në qytetin e Peshkopisë, për motive të dobëta, dyshohet se shtetasit R.M, dhe A. M, kanë plagosur me mjet prerës, shtetasin B. Z., (punonjës policie i cili ka qenë pushim jashtë shërbimit), e po merr ndihmë mjekësore në spitalin e Peshkopisë, jashtë rrezikut për jetën“, thuhet në njoftimin e policisë.
Policia ka kapur njërin prej autorëve, shtetasin R.M, ndërsa është në kërkim të autorit të dytë. Grupi hetimor po punon për zbardhjen e rrethanave të ngjarjes.
