Kryeministri Edi Rama përmes një postimi në rrjetet sociale ka reaguar në lidhje me mungesën e tij në takimin e zhvilluar nga Partia Socialiste në Tiranë.Rama shkruan se e ka nisur punën, me grupin i cili po punon për ligjin special, kundër krimit të organizuar, që sipas Ramës, janë duke u finalizuar. Kryeministri gjithashtu thotë se, brenda nëntorit do të fillojë furtuna mbi “KÇK”, siç i quan ai gjyqtarët e prokurorët e korruptuar.“Kur dal përditë pse del përditë pse del përditë, kur s’dal ca ditë çfarë ka që s’del përditë, historia e vjetër hip se të vrava zbrit se të vrava. Sot e kam nisur ditën me grupin e punës për Ligjin Special kundër krimit të organizuar+masat kundër KÇK që po finalizohen në letër.Brenda nëntorit fillon furtuna mbi foletë e krimit dhe korbat e KÇK.Tani për Ohër ku nisin sot takimet për marrëveshjet e bashkëpunimit rajonal dhe nesër bëhet mbledhja e radhës ku janë ftuar të gjitha vendet e Ballkanit Perëndimor + partnerët europianë të nismave rajonale”, shkruan Rama./abcnews.al