Klubi i madh spanjoll, Real Madridi po përgatit një ofertë të madhe shkëmbimi plus para për të fituar shërbimet e yllit të Liverpoolit, Mohamed Salah. Ylli egjiptian Salah mbetet një objektiv i madh për Real Madridin edhe për vitin 2019. Presidenti i klubit mbretëror, Florentino Perez po konsideron një ofertë të madhe për të fituar shërbimet e Salahut. Sipas mediumit El Gol Digital, Pereze po mendon ofrimin e Marco Asensios si pjesë e ndonjë marrëveshjeje të mundshme plus para. Los Blancos thuhet se janë të gatshëm të lejojnë spanjollin pas një gjysmë sezoni zhgënjyes, gjatë së cilit ai ka arritur vetëm një gol në 16 paraqitje në La Liga.
Salah, ndërkohë, ka kontribuar 15 gola në të gjitha garat për Liverpoolin këtë sezon dhe mbetet nga më të mirët. Perez shpreson se ai mund të bëjë këtë marrëveshje për të mbushur boshllëkun e lënë nga largimi i Cristiano Ronaldos për Juventusin në fillim të këtij viti.
