Të hënën e ardhshme në të gjithë Shqipërinë do të hapen transporti urban e ndërurban, teksa sot kreu i qeverisë Rama ka lajmëruar se qeveria do ta mbështesë sektorin dhe se do të ndalohet kategorikisht rritja e çmimit të biletave për qytetarët.
Përmes një postimi në rrjetin social, Rama shton se qeveria do të ndihmojë sektorin duke i njohur si shpenzim të zbritshëm 100% të konsumit të naftës dhe se nuk do të kërkojë taksa e tarifa vendore deri më 31 dhjetor të këtij viti. Në vitin e ardhshëm, shton Rama, do të nisë zbatimi i biletës elektronike.
Të hënën 15 qershor rinis shërbimi i transportit urban dhe ndërurban, sipas protokollit të miratuar të sigurisë shëndetësore
Qeveria do ta mbështesë këtë sektor përmes:
Njohjes si shpenzim të zbritshëm të 100% të konsumit të naftës. Zero taksa dhe po ashtu zero tarifa vendore deri në 31 dhjetor 2020
brenda 2020 do të kryhet reforma e plotë ligjore/fiskale e sektorit dhe në 1 janar 2021 do të nisë zbatimi i saj me biletën elektronike si hap i parë, ndalohet kategorikisht rritja e çmimit të biletës për qytetarët.
