Roma dhe Interi ndanë pikët në “Olimpico” me një barazim 2-2, që nuk kënaqi asnjërën skuadër, por i shkoi përshtat Juventusin, pasi diferenca mes bardhezinjve dhe zikaltërve mbetet e thellë (5 pikë). Një rezultat që nuk kënaq as Romën, e cila rrezikon të humbasë vendin e pestë, që i kërcënohet si nga Napoli është edhe nga Milani.
Sa i përket kronikës, ndeshja u zhbllokua që në minutën e 9-të nga holandezi de Vrij, në zhvillimet e një këndoreje. Gjithsesi, në fundin e pjesës së parë barazoi Spinazzola, i shërbyer nga Dzeko. Mkhitaryan shënoi të dytin për Romën në të 57-tën, ndërsa dy minuta para fundit të kohës së rregullt Lukaku shndërroi në gol një 11-metërsh të shkaktuar nga Spinazzola. Në minutat shtesë rezultati mbeti i pandryshuar, me Interin që ngec sërish atëherë kur i duhet më shumë fitorja për të sulmuar titullin.
