Cristiano Ronaldo nuk është vetëm një kampion në fushë, por edhe në rrjetet sociale. Sulmuesi 34-vjeçar i Juventusit ka “prerë” para përmes rrjetit social “Instagram”, aty ku është edhe sportisti më i ndjekur. Sipas një hulumtimi, Ronaldo ka fituar plot 40 milionë paund nga postimet në rrjetin social. Ish sulmuesi i Manchester United dhe Realit të Madridit fiton 780,000 paund për çdo postim të sponsorizuar, duke lënë pas edhe kundërshtarin e tij në fushë, Lionel Messi.Argjentinasi nuk e ka ndikueshmërinë kaq të lartë sa Ronaldo në rrjetet sociale, çka e pozicionon në vendin e dytë me 18.7 milionë paund me rreth 518,000 për postim. Podi kompletohet nga motra e vogël e Kylie, Kendall Jenner. Supermodelja 24-vjeçare mësohet se ka sjellë një pasuri prej 12.7 milionë euro gjatë 12 muajve të fundit në secilin postim në “Instagram”, çka përllogaritet të ketë një vlerë prej 489,000 paund. Në vendin e katërt renditet, David Beckham me 8,6 milionë paund, ndjekur nga Selena Gomez me 6,4 milionë. Khloe Kardashian renditet në vendin e 10-të.35 vjeçarja thuhet se ka fituar rreth 957,000 nga “Instagram” në 2019, por postoi vetëm dy postime të sponsorizuara.
Categories
Sport
