Deputeti socialist Taulant Balla ka folur nga Elbasani për seancën e jashtëzakonshme që parlamenti do të mbajë pasditën e sotme me kërkesë të Kryeministrit Edi Rama, ku do të dekretohen ministrat e rinj të kabinetit Rama 2.
Balla tha se deri në oren 17 Meta do ti ketë dhenë fund një historie të pakuptimtë që në të gjitha ministritë të vijojë puna.
“Shumë shpejt kjo çështja e të drejtës të shpikuar nga Presidenti për ti hequr kuvendit të drejtën për tu shprehur do të zgjidhet nga Gjykata kushtetuese. I jepet fund një situatë artificiale për nevoja të brendshme të opozitës, që kanë bllokuar me pa të drejtë të drejtën e kryeminsitrit për propozimin e këshillit të minsitrave. Kuvendi vendos jo presidenti”, është shprehur Balla.
Sa i takon akuzave që kabineti i ri është teknik sesa politik, Balla tha se ministrat e rinj janë përfaqësues që kanë kontribuar në fushën politike.
“Të jesh politikë nuk do të thotë thjesht anëtarë i forumeve të larta por të marrësh përgjegjësi. Të gjithë minsitrat, përfshirë Z. Cakaj janë profesionistë të mirë, të cilët përmbushin pritshmëritë tona, që i kemi dhënë besimin. Diskutimi nuk ka vlerë”, është shprehur Balla.
