Këshilli Bashkiak Shkodër miratoi Paketën Fiskale. Deputetja e PS-së, Senida Mesi tha sot se miratimi erdhi pas një pune gjithëpërfshirëse, konsultative dhe teknike, ku “me përgjegjshmëri qytetare janë bërë ndryshimet e paketës së propozuar në linjë dhe me programet e politikat tona të majta e më shumë suport ndaj shtresave më në nevojë”.
“0 tarifë në sistemin arsimor parashkollor për fëmijët e familjeve me prind PAK, familje me Ndihmë Ekonomike apo për fëmijët e k/familjareve të veja apo nënave me urdhër mbrojtje. Diferencohet taksa e pastrimit sipas llojit të biznesit me parimin “Kush ndot më shumë, paguan më shumë”, tha Mesi. “Diferencim i tarifës së ndriçimit sipas dendësisë së popullsisë dhe fluksit të vizitorëve. Akses në qytet për personat me AK: gjobë për bllokim të rampave të trotuareve apo të vend parkimeve te dedikuara për këtë grup. Akses i shtuar për studentët, fillon implementimin Karta e Studentit”,- tha ajo.
