Speca të mbushur me gjizë ( në furrë)
Përbërësit:
6 speca të kuq
300 gr djathë të bardhë ose gjizë
1 kokërr vezë
50 gr arra
2 gjethe dafine
4 lugë gjelle vaj ulliri
2-3 lugë gjelle qumësht
Kripë dhe piper I zi
Majdanoz
Përbërësit:
Pastrojmë specat nga farat. Nëse specat janë të mëdhenj, i presim në gjysma. Nëse janë të vegjël, pastrojmë farat duke i bërë një prerje nga sipër.
Në një tas vendosim gjizën ose djathin e thërrmuar. Shtojmë vezën të rrahur dhe të trazuar me 2 lugë gjelle qumësht. Shtojmë 3 lugë gjelle vaj ulliri, kripë e piper të zi. Presim arrat në copëza të vogla dhe i kaurdisim në tigan, pa yndyrë, deri sa të zverdhen. (Mund të përdorim disa stika pishe ose fara luledielli). I shtojmë në tas, i trazojmë dhe mbushim specat. Lyejmë tavën me vaj dhe vendosim specat e mbushur, vendosim në të 2 gjethe dafine. Vendosim në furrë në temperaturën 200ºC për 30 minuta.
