Një mrekulli ka ndodhur në Britaninë e Madhe dhe kjo falë zjarrëfikësit që rastësisht ndodhej në autostradën A 38, në Chudleigh të Devon-it.
Bëhet fjalë për një makinë që po digjej, ndërsa brenda ishte një familje me 5 anëtarë.
Zjarrëfikësi jashtë orarit të punës nuk mendoi më shumë, por u fut në zjarr dhe arriti të shpëtojë familjen. Mediat britanike shkruajnë se zjarrfikësi kishte njohuri edhe në mjekësi dhe pasi shpëtoi familjen ka asistuar në dhënien e ndihmës së parë.
“Jemi krenarë me punonjësin tonë.
I vetëm ka shpëtuar një familje me pesë veta nga një automjet që digjej”, ka thënë stacioni i zjarrfikësve në Devon. Ky veprim i rrallë është vlerësuar shumë.
