Arrestimi i modeles së njohur greke Elena Polychronopoulou, ka çuar policinë në gjurmët e partnerit të saj shqiptar i cili konsiderohet baroni i kokainës i njohur me nofkën “Billy the Kid”. Sipas mediave vendase, nga hetimet ka rezultuar se ish-aktorja e njohur dhe partneri i saj 32-vjeçar punonin për një rrjet të fuqishëm mafioz shqiptar.
Sipas policisë “Billy the Kid”, konsiderohet si një “lojtar” i ftohtë në kartelet e kokainës. Ai kishte kontakte të drejtpërdrejta me vendet e Amerikës Latine dhe importonin sasi të mëdha kokaine në Shqipëri dhe Mal të Zi për t’i shpërndarë me pas ato në tregun europian.
“Billy the Kid” dyshohet se ka përhapur rrjetin e tij të aktiviteteve ilegale në të gjithë Evropën, duke anashkaluar edhe mafian e fuqishme serbe, e cila thuhet se kontrollonte pjesën më të madhe të trafikut të kokainës. Pas arrestimit të modeles, policia ka lokalizuar edhe 32-vjeçarin shqiptar në Belgjikë.
Rrethi po ngushtohet
Kur hetimet zbuluan përfshirjen e shpërndarësit shqiptar të drogës, policia e Sigurisë së Drogës të Sigurisë Attika aktivizoi menjëherë bashkëpunimin ndërkombëtar. Policia zbuloi se “Billy the Kid” përdor teknologji të avancuar për të komunikuar me kontaktet e tij nga Belgjika, nga ku jep udhëzimet e nevojshme si për importin e sasive të kokainës ashtu edhe për trafikun e drogës në Greqi dhe Evropë.
