Nënkryetari i Lëvizjes Socialiste për Integrim, Luan Rama, ka bërë një deklaratë të papritur mbrëmjen e sotme, lidhur me marrjen e postit të Zv.kryeministrit nga Erjon Braçe.
Me anë të një postimi në rrjetet sociale, Rama teksa uron Braçe, flet me konsiderata të larta për të dhe devocionin e tij në Partinë Socialiste.
Postimi i plotë:
Një urim për Erion Braçen!
Erion, suksese në detyrën e zëvendëskryeministrit; mbarësi dhe faqebardhë në përmbushje të përgjegjësisë së re!
Kemi punuar bashkë në kohë të vështira; atëherë kur “Zëri i Popullit” ishte Partia Socialiste e më shumë se aq, dhe kur për ne u bë shtëpi dhe shkollë.
T’a njoh devocionin dhe 27 vjet përkushtim e shërbim si socialist, jam i bindur, do të të ndihmojnë të bësh më të mirën.
