Pas grabitjes së përgjakshme të 2 prillit 2018, ku mbeti i vrarë një biznesmen grek, autoritetet kanë vijuar hetimet për zbardhjen deri në fund të çështjes. Policia greke bëri publike fotot dhe inicialet e dy personave të dyshuar për vrasjen.
Sipas autoriteteve greke të dyshuar për vrasjen e biznesmenit Aleksandros Stamatiadis, janë edhe dy shqiptarë, të cilët janë shpallur në kërkim.
Autoritetet greke në bashkëpunim me Interpol dhe Europol ka shpallur në kërkim shqiptarin me inicialet T.K, i cili dyshohet të ketë hyrë në Shqipëri dhe gjithashtu ka shpallur në kërkim shqiptarin tjetër me inicialet A.F që dyshohet se është fshehur në një vend në Evropën Veriore.
Kujtojmë se pak ditë më parë u arrestua në Belgjikë për vjedhje dhe vrasjen e biznesmenit grek Aleksandros Stamatiadis shqiptari Genc Pepa, i cili pas grabitjes së përgjakshme të 2 prillit 2018, ku humbi jetën biznesmeni 52-vjeçar grek Stamatiadis, u larguan jashtë Greqisë.
