Postimet e vjetra në Twitter të transferimit të ri të Barcelonës, Junior Firpo janë bërë virale në internet. Barca nënshkroi me 22-vjeçarin ditë më parë, me tarifën e transferimit që mund të arrijë deri në 30 milionë euro. Por mbrojtësi i krahut të majtë, që nënshkroi kontratë pesë-vjeçare me katalanasit, mund të ndjehet në siklet kur të takohet me yllin argjentinas për shkak të disa postimeve të vjetra në Twitter,.
Ai kishte shkruajtur se mund t’ia thyente të dy këmbët fituesit të pesëfishtë të ‘Topit të Artë’, dhe shkoi deri në atë pikë sa e quajti 32-vjeçarin ”bir k*rve”. “Shoku im më i mirë në atë kohë ishte nga Barcelona dhe ishte tifoz i Messit sepse Leo është më i miri në botë, pa asnjë dyshim. Unë i thashë atij të thotë gjëra të shëmtuara për Messin në Twitter”, ka thënë Firpo.
“Kjo është e gjitha, gjëra të fëmijëve. Janë gjëra që i bën kur mendon se askush nuk të njeh dhe kur ti nuk mund të mendosh për ndikimin që mund ta kesh pas disa viteve. Unë duhet të kërkoj falje për këtë gjë”. “Unë nuk kam asnjë dyshim se Messi është më i miri i të gjitha kohëve. Gjithmonë e them këtë kur flas për Topin e Artë: duhet t’ia japin atë Messit dhe ta krijojnë një çmim tjetër për të vdekshmit për ta parë kush ma i miri pas Messit”, shpjegoi ai.
