Banka e Shqipërisë, vlerëson se sektori bankar ka rreth 48 miliardë lekë kredi me probleme. Në vlerë, kjo shifër është 22% më e ulët krahasuar me një vit më parë.
Sipas BSH-së, rënia vjetore e totalit të kreidve me probleme u ndikua nga një përshpejtim i fshirjes së kredive të humbura në fund të vitit të kaluar, i nxitur nga ndryshimet rregullative të BSH-së, që ulën nga tre vjet në dy vjet maksimumin e kohës së qëndrimit në bilanc të kredive të klasifikuara si të humbura.
Që nga fillimi i procesit të fshirjes, në janar 2015 janë fshirë 65 miliardë lekë kredi të humbura. Raporti i kredive me probleme rezultoi i qëndrueshëm në nivelin 8.1% edhe për muajin gusht. Moratoriumi i pagesave dhe masat e përkohshme rregullatore të Bankës së Shqipërisë po e mbajnë këtë tregues të stabilizuar dhe nën kontroll të plotë.
