Ndërtime pa leje dhe ndotje e ajrit, policia e Durrësit procedon 7 persona

Në qytetin e Durrësit në kuadër të kontrollit të territorit për parandalimin e ndërtimeve pa leje dhe të ndotjes së ambientit dhe lumenjve u proceduan në në gjendje të lirë 7 shtetas, për veprat penale “Ndërtim i paligjshëm” dhe “Ndotja e ajrit”. Sipas Drejtorisë Venbdore të Policisë Durrës, specialistët për Hetimin e Krimeve në Komisariatin e Policisë Durrës proceduan penalisht shtetasit T. T., I. K., M. K., I. K., Z. Ç., R. B., dhe Q. T., banues në Jubë, Sukth dhe Shijak. “Këta shtetas, në Jubë, në grykëderdhjen e lumit Erzen, kanë hedhur pjesë furgoni dhe qese plastike dhe kanë ndërtuar 2 kontenierë metalik dhe disa ndërtime njëkatëshe me mur betony”, – theksoi policia. Materialet i kaluan Prokurorisë së Rrethit Gjyqësor Durrës, për veprime të mëtejshme.