Avokati Idajet Beqiri ka dhene alarmin publik se nga themelet e nje pallati ne zonen e Malit te Robit del uje deti dhe kjo po rrezikon krejt godinen dhe banoret qe jetojne aty. Postimi i avokatit ne faqen e tij ne rrjetet sociale: ALARM! KËRKOHET NDIHMË NGA EMERGJENCA CIVILE! Në Malin e Robit, përballë Kompleksit Turistik “Prestige”, ndodhet Pallati 7 kate i banimit “KASTRATI”. Në themelet e këtij Pallati buron një sasi e pazakontë ujë, e cila thuhet se vjen nga deti. Për heqjen e përditshme të këtij ujë është vendosur një pompë e cila punonte 24 orë për 24 orë çdo ditë për të nxjerrë këtë sasi të madhe ujë.
Ka afro një muaj që kjo pompë është djegur dhe themelet dhe garazhet e Pallatit janë mbytur nga ujë. Niveli rritet me shpejtësi dhe po mbrrinë në sistemin elektrik, duke rrezikuar jetën e banorëve të Pallatit. Kjo sasi e madhe ujë i kripur rrezikon shëmbjen e gjithë Pallatit. Videoja dhe fotot flasin shumë më mirë se njëmijë fjalë.
Po japim “ALARMIN” për ndihmë nga EMERGJENCA CIVILE; nga BASHKIA KAVAJË; Nga POLICIA E SHTETIT, NGA ZJARRFIKËSIT… me qëllim që të evakuohen së paku banorët dhe fëmijët e Pallatit, të cilëve u rrezikohet seriozisht jeta!
