Një 28-vjeçar shqiptar në Athinë është arrestuar, ndërsa gjatë arrestimit në apartamentin e tij u gjetën mbi 30 kg heroinë. Bëhet me dije se heroina do të shpërndahej në rrjetin e bandës dhe më pas do të kalonte në tregun e Athinës.
Policia e Atikës ka njoftuar se arrestimi u krye ditën e djeshme nga drejtoria e anti-drogës, pas një operacioni blic në qendër të Athinës.
Ky operacion ishte zhvilluar për shkak se policia kishte të dhëna për aktivitetin kriminal ku bënte pjesë edhe i riu shqiptar. Ndërkohë i arrestuari është paraqitur këtë të martë në Prokurinë e Krimeve të Athinës.
