Ditën e sotme në Tiranë pritet të vijë presidenti serb Aleksandër Vuçic dhe kryeministri maqedonas Zoran Zaev në kuadër të nismës “Open Ballkan”. Por ish-kryeministri Sali Berisha ka paralajmëruar një protestë e cila pritet të nisë në orën 16:00 në selinë e Partisë Demokratike e më pas do zhvendoset para kryeministrisë. Mësohet se më shumë se 2000 policë do jenë para kryeministrisë për mbrojtjen dhe sigurinë ndërsa në ndihmë të tyre do të jenë dhe forcat Shqiponja.
Por jo vetëm kaq pasi mësohet se shtyllat ku janë të vendosura kamerat e sigurisë do të lyhen me graso që protestuesit mos të kenë mundësi të ngjiten dhe t’i dëmtojnë ato. Në bulevardin “Dëshmorët e Kombit” janë vendosur flamujt e Serbisë dhe Maqedonisë së Veriut.
