Partia Socialiste ka zgjedhur 8 dhjetorin si ditë për të mbledhur Kongresin, ku do prezantohet transformimi i partisë dhe synimet për një mandat të katërt.
Kongresi fillon në orën 11:45 dhe do ndahet në 6 panele. Në panelin e parë do të diskutohet për Reformën në Drejtësi dhe Luftën kundër Korrupsionit: Legjislacioni, zbatueshmëria, afrimi me BE dhe Inteligjenca Artificiale.
Në panelin e dytë, në orën 12:00, do të diskutohet për prioritetet zhvillimorë: Infrastruktura, energjia, financat, turizmi, bujqësia dhe kultura.
Në panelin e tretë, në orën 13:00, do diskutohet për shërbimet publike: Arsimi, shëndetësia dhe mbrojtja sociale, sipërmarrja, arsimi profesional.
Në panelin e katërt, në orën 14:00, do të diskutohet për qeverisjen vendore: Reforma territoriale, ekonomia vendore, shërbimet dhe mjedisi.
Në panelin e pestë, në orën 15:00, do të diskutohet për sigurinë dhe Shqipërinë në botë.
Në panelin e gjashtë, në orën 15:50, do të diskutohet për Partinë Socialiste në vitin 2030, ndërsa në orën 16:40, kryeministri Rama do të mbajë fjalimin e tij.
