Sazani dhe Karaburuni, janë ndër destinacionet më mbreslënëse për turistët vendas dhe të huaj, të cilët shijojnë bukuritë dhe magjitë që natyra i ka falur kësaj zone.
Me fillimin e sezonit turistik anijet e vogla turistike të ankoruara në Portin Detar, Vlorë kanë nisur tashmë udhëtimet e para drejt ishullit të Sazanit dhe gadishullit të Karaburunit.
“Udhëtimi drejt Sazanit dhe Karaburunit këtë vit ka filluar pak me vonesë për shkak të pandemisë. Gjatë kësaj jave janë nisur anijet me turistë çdo ditë për të zbuluar bukuritë natyrore të tyre”.
“Ky është viti i katërt që anijet turistike nisen nga Porti i Vlorës. I shpallur në vitin 2010 Parku Kombëtar Detar Karaburun-Sazan, është i vetmi park detar kombëtar i Shqipërisë. Këto janë disa anije nga shumë të tjera që mund të jenë në Vlorë si \ Liburna Cruises Vlorë, Regina, Esperanza Turistic, Anija turistike Mogila, Teuta Boat Tours, Essperanza, Black -Pearl, Regina, Liburna, Avventura me nr tel 0686257889.. “JULKA UNIQUE” me nr tel 0685555559.
Parku ofron atraksione të shumta natyrore, kulturore, historike dhe turistike. Tani zona mund të vizitohet nëpërmjet udhëtimeve ditore që zhvillojnë operatorët turistik që nisen nga porti i Vlorës. Kjo ofron mundësi reale për të vizituar parkun dhe ofruar një dite ndryshe ne gjirin e Vlorës edhe pse kohë pandemije.
Mjafton këtu të kujtojmë monumentin e natyrës, Shpellën e Haxhi Alisë (atraksioni me i vizituar nga turistët), gjiri natyror dhe kulturor i Gramës (skaji më i largët jugor i parkut detar), ishullin e Sazanit dhe falezat e tij si atraksioni më i madh që prej hapjes së tij për publikun. Për të gjithë ata që dëshirojnë të kalojnë momente relaksi në natyrën dhe qetësinë, parku detar ofron me brigjet e tij të Shën Vasilit, Shën Janit, Gjirit të Djallit, eksperiencë natyrore unike.
Në hapësirat e gadishullit të Karaburunit, në fund, aty ku bashkohet me luginën e Dukatit gjendet Kisha e Marmiroit, ndërsa në faqen jugore, në lartësinë 400 m, në vendin e quajtur Petrunë, gjendet një shpellë shumë e bukur, që quhet Shpella e Dukë Gjonit.
Për të gjithë të apasionuarit e zhytjes ofrohen shtigje nënujore për të parë botën unike dhe pasuritë nënujore. Vlora është e bukur në gjithë bregdetin e saj, që nga Skela deri në Sarandë, duke përmendur edhe zonën e Zvërnecit që eshtë fantastike me plazhet e saj ku frekuentohet nga qindra turistë si brenda dhe jashtë vendit.