Mesfushori shqiptar, Klaus Gjasula është mungesa tjetër e madhe sot në mbrëmje në “Air Albania. Lojtari shqiptar të cilit Reja i besonte shumë për repartin e mesfushës nuk do të jetë pasi rezultoi me Covid-19 një ditë pas shokut të tij të dhomës në grumbullim, Sokol Cikalleshi.
Në fakt u përfol shumë nëse lojtari ishte apo nuk ishte me Covid-19 pasi po vononte edhe konfirmimi nga FSHF teksa në rrjetet sociale lojtari ka shprehur zhgënjimin për mungesën duke hequr edhe çdo aludim.
“Jemi të gjithë me ju. Nuk e besoj dot akoma që sot nuk jam prej Covid-it me cunat në fushë”, ishte mesazhi që shpreh zhgënjimin e mesfushorit 31-vjeçar. Tashmë për ta zëvendësuar, Edy Reja ka përgatitur formacionin me mesfushorin tjetër Ylber Ramadani në fushë.
