Pamjet e kamerave të sigurisë kanë fiksuar gjithçka ka ndodhur mesnatën e kaluar në biznesin e Olsi Isufit në Yzberisht. Ky i fundit tha se nuk ka asnjë konflikt dhe se nuk e ka idenë nga i ka ardhur, ndërsa ngjarja dyshohet të jetë një mesazh.
“Nuk e kam idenë se kush e ka vendosur, nuk kam pasur konfikte me asnjeri. Dyqani ka qenë i mbyllur pasi që prej të premtes kisha lëvizur me familjen jashtë Tirane”, është shprehur pronari jashtë kamerave.
Në kamerat e sigurisë duket një i ri, me trup mesatar, me kapuç mbi kokë dhe maskë kirurgjikale. Ai vendos sasinë e eksplozivit në qepenin e biznesit dhe largohet. Kanmerat janë çaktivizuar në momentin e shpërthimit.
Ditën e sotme nuk ka patur prezencë të policisë në vendngjarje. Ndërkohë Olsi thotë se biznesi i tij ishte mbyllur që prej të premtes pasi ndodhej jashtë Tiranës për fundjavë me familjen. Pronari i biznesit nuk rezulton të jetë me precedentë të mëparshëm penalë.
Sasia e tritolit që u vendos në biznes ka qenë e vogël, dhe prandaj ekspertët mendojnë se më së shumti kemi të bëjmë me një paralajmërim dhe mesazh ndaj pronarit.
