Dy ditë pas vrasjes së të riut nga Shkodra, Erjon Xhenje, sot Drejtori i Përgjithshëm i Policisë së Shtetit, Muhamet Rrumbullaku së bashku me drejtues të Departamentit të Krimeve në Drejtorinë e Përgjithshme kanë bërë një vizite ‘blic’ ne Shkodër.
Mësohet se Rrumbullaku është takuar me drejtues të lartë të Policisë së Shkodrës, ku ka kërkuar zbardhjen e ngjarjeve që kanë tronditur Shkodrën.
Qëllimi kryesor i këtij takimi ka qenë zbardhja e vrasjes së 19-vjecarit Erjon Xhenje.
Drejtori Rrumbullaku ka kërkuar administrimin e të gjithë provave që disponon policia ndërkohë që sektori i kriminalistikes pranë Drejtorisë se Përgjithshme është vënë në dispozicion të grupit hetimor për zbardhjen e kësaj ngjarje të rëndë që ka tronditur Shkodrën.
Burimet bëjnë me dije se takimi ka zgjatur rreth një orë në ambientet e Drejtorisë së Policisë ne Shkodër.
