Një krim brenda familjes ka ndodhur mbrëmjen e djeshme në Vlorë, ndërsa nipi godet gjyshin e tij. Ndonëse u tha se 69 vjecari Vangjel Kapallani është grabitur dhe qëlluar nga grabitësit, të cilët i kishin marrë rreth një milion lekë të vjetër në banesë,policia e Vlorës konfirmon se i moshuari është vrarë pikërisht nga nipi i tij.
Ka qenë ky i fundit që duket se ka inskenuar të gjithë krimin e rëndë, duke lajmëruar policinë, se e kishte gjetur gjyshin e tij të gjakosur në shtëpi.I moshuari është transportuar në spital,ndërsa nuk i ka mbijetuar plagëve duke ndërruar jetë. Ai ishte qëlluar me plumb në kokë dhe sende të forta pas koke,ndërsa dyshimet e policisë referuar edhe deklaratave të nipit ka dyshuar pikërisht tek ky i fundit.
Vetë nipi ka pranuar ngjarjen rreth orës 04.00 të mëngjesit se ishte pikërisht ai që kishte qëlluar gjyshin e tij. Mësohet nga policia se e ka qëlluar me një pistolete tip Zastava,ndërsa i moshuari kishte marrë plumb në kokë,por nga policia konfirmohet se i moshuari është qëlluar edhe nga pas koke me send të fortë duke besuar se ështe goditur me qyten e pistoletës.
Nipi ka marr emrin e gjyshit Vangjel Kapallani 16 vjec, ku jetonte me gjyshin pasi i kishin vdekur prindërit qe në moshë të vogël. Dyshohet nga policia se nipi ka tentuar të marrë shumën e lekëve nga gjyshi i tij,ndërsa ka inskenuar të gjithë ngjarjen.
