Një shqiptar 22 vjeçar u arrestua sot, të martën, 8 janar, nga karabinierët e Vaiano, Toskana, me akuzën e shpërndarjes së drogës. Ai u vu në arrest shtëpie, në dispozicion të drejtësisë, me vendim të gjykatës së Prato, që pranoi kërkesën e prokurorit.
Prova të shumta janë mbledhur kundër tij gjatë hetimit: hetuesit kanë rindërtuar rrjetin e tij të kontakteve dhe metodat e shitjes së drogës.
Shumë e rrezikshme ishte droga sintektike, që 22-vjeçari kishte hedhur në treg, e cila jepte efekte të rënda me një rrezik gati 30 herë më të lartë në krahasim me kanabisin bimor.
Narkotikët sintetikë janë të përhapur pasi ata kanë kosto më ulët, kanë një aromë më pak të njohur, nuk gjurmohen lehtësisht në urinë dhe japin efekte më të dukshme psikoaktive.
