Urdhëri për fshehjen e përdhunimit të vajzës së mitur u dha nga sipër ka deklaruar ish-kryeministri Sali Berisha.
Ai shton se familjarët e minorenes së dhunuar në Kavajë nga bashkëmoshatarët e saj e kanë denoncuar në Polici.
Berisha publikon në facebook mesazhin e mbërritur në adresë të tij nga një qytetar i cili shprehet se përdhunimi i vajzës ka ndodhur jashtë ambjenteve të shkollës dhe sipas tij mësuesja kujdestare dhe drejtoresha e kanë njoftuar për ngjarjen familjen.
“I ati ndodhej në Itali. Informohet dhe ai, vjen nga Italia dhe bashkë me vajzën bëjnë denoncim në polici. Më pas policia e ka mbajtur të fshehtë si akt për arsyet e veta të turpshme!”, shkruan qytetari.
Më tej ai thotë se “Në polici thuhet se pas denoncimit policia e Kavajës i thirri. Por u liruan menjëherë njëlloj si në rastin Rexhep Rrajës. Ata djem kanë baballarët biznismen me lidhje të forta politike dhe oficer policie. Por në polici flitet se fshehja e krimit është bërë me urdhër nga sipër me ndërhyrjen direkte të kryeministrit tek ministria arsimit dhe ajo e brendshme doktor”.
Statusi i plotë i Berishës:
Urdheri per fshehjen e perdhunimit te vajzes se mitur u dha nga siper.
Familjaret denocuan ne polici krimin.
Lexoni denoncimin e qytetarit dixhital. sb
Pershendetje dr perdhunimet kan ndodhur jashte ambienteve te shkolles, mesuesja kukdestare bashke me drejtoreshen evidentojne ngjarjet, informojne mamane e vajzes. I ati ndodhej ne Itali. Informohet dhe ai, vjen nga Italia dhe bashke me vajzen bejne denoncim ne polici.
Me pas policia e ka mbajt te fshehte si akt per arsyet e veta te turpshme!
Ne polici thuhet se pas denoncimit policia e Kavajes i thirri Por u liruan menjeher njelloj si ne rastin Rexhep Rranjes.Ata djem kane baballaret biznismen me lidhje te forta politike dhe oficer policie. Por ne polici flitet se fshehja e krimit esht bere me urdher nga siper me nderhyrjen direkte te kryeministrit tek ministria arsimit dhe ajo e brendshme doktor.
Megjithate ju keni infot e tua me te detajuara.
