Prindërit duhet të bëjnë kujdes me eksopozimin e fëmijëve në rrezet e diellit. Mjekët dermatologë ngrenë shqetësimin se një djegie e tyre gjatë fëmijërisë mund të jetë shkak për krijimin e kancereve të lëkurës gjatë rritjes. Rrezet e diellit, aq të nevojshmë për rritjen dhe zhvillimin e fëmijëve, mund të sjellin dhe pasoja të rrezikshme për shëndetin, në rast të ekspozimit të tepërt. Mjekët këshillojnë prindërit që të ruajnë fëmijët nga dielli, pasi një djegie gjatë fëmijërisë, mund të sjellë shfaqjen e melanomave dhe kancerit të lëkurës gjatë rritjes.
Ermira Vasili: Duhet të ruhen patjetër jo vetëm me krem me faktor mbrojtës mbi 30 ndaj UVA dhe UVB. Mbrojtja të jetë ndaj dy spektereve të rrezatimit ultraviolet.
Dëmtime të tjera të rrezatimit ultraviolet janë nishanet, por ka dhe alergji nga rrezatimi diellor. Mjekët bëjnë apel së tepërmi edhe për personat që vuajnë nga sëmundja e rrallë e lëkurës e njohur si kserodermapigmentoza.
Ermira Vasili: Këta pacientë nuk janë të mbrojtur nga rrezatimi diellor dhe këta pacientë janë të predispozuar për të bërë kancera të vazhdueshme të lëkurës në pjesët e ekspozuara ndaj diellit. Të përdorin kremëra mbrojtës dhe të gjitha mjetet mbrojtëse që ata i dinë shumë mirë se marrin kontakt me mjekun dermatolog. Infeksionet bakteriale janë ato që favorizohen më tepër nga rrezet e diellit.
Ermira Vasili: Fillimisht këto fillojnë me një flluskë të vogël përreth gojës, pastaj flluska hapet në periferi duke krijuar plagë. Plagët mund të përhapen me shpejtësi dhe në pjesë të tjera të trupit. Nënat kur shikojnë flluska të tilla duhet ti drejtohen patjetër mjekut dermatolog. Specialistët thonë se çdo 30 minuta përpara ekspozimit në diell duhet përsëritur mbulimi me krem mbrojtës.
