Një aksident është regjistruar tani paradite në Tiranë. Ngjarja ka ndodhur në rrugën “5 Maji”, ku në aksident është përfshirë një autobus i linjës së ‘Unazës’.
Shoferit i ka rënë të fikët dhe autobusi është përplasur me një shtyllë.
Atij i është bërë testi i alkoolit dhe nuk qenë nën efekt.
Autobusi ka pasur pak pasagjerë dhe nuk ka asnjë të dëmtuar.
Ky është aksidenti i radhës për urbanët e Unazës.
Më 29 prill 2022 një autobus ra në Lanë, duke lënë disa të plagosur.
Ndërsa më i rëndi mbetet ai i 27 shkurtit 2023, kur autobusi mori përpara 9 makina dhe shkaktoi disa të lënduar.
