Pas 15 operacioneve të dështuara nga policia e shtetit për arrestimin e tij, Klement Balili është vetëdorëzuar.
I ashtuquajtur nga mediat greke si “Escobari i Ballkanit” u dorëzua dy ditë më parë në vendin e quajtur “Kthesa e Shijanit” mes Delvinës dhe Finiqit.
Ndërkohë që për arrestimin e tij, Policia e Shtetit vuri një shpërblim prej 100 mijë euro për cilindo që kishte informacion mbi vendndodhjen e tij.
Në lidhje me këtë, regjisori Pëllumb Kulla me anë të një postimi në Facebook ka ironizuar për shpërblimin e vënë nga policia.
Ai shkruan se 100 mijë eurot i shkuan vetë Balilit pasi u vetëdorëzua.
Statusi i plotë i Kullës:
Për mbërthimin në hekura të Klement Balilit Policia shqiptare pat vënë një shpërblim prej 100 milion lekësh për atë që do ndihmonte në kapjen e tij. Këtë shumë e gëzoi vetë qytetari Balili. Dje në llogarinë bankare të të ashtuquajturit Escobar i Ballkanit qenka derdhur shuma e premtuar. Flitet se kjo ishte edhe njëra nga arsyet e vërteta të vetëdorëzimit të Balilit”.
