Në të njëjtën zonë e cila është përfshirë nga flakët tre ditë më parë, një vatër zjarri ka shpërthyer në rrethin e Krujës pasditen e sotme në fshatin e quajtur Barkanesh ndërkohë tre vatra të tjera në fshatin Bushnesh.
Zjarrfikëset e Krujës kanë shkuar në vendngjarje në përpjeke për të bërë të mundur izolimin dhe shuarjen e një vatre të madhe në afërsi te disa banesave ne Bushnesh.
Ndonëse terreni është fushor, zjarrfikëset janë detyruar që në tre vatrat e tjera të ndërhynin në këmbë me fikëse shpine për të neutralizuar zjarret pasi nuk ka asnjë rrugë ku zjarrfikësja të arrijë me mjetet e saj pranë vatrave të zjarrit.
Sipas informacioneve paraprake të dhëna nga specialistët e zjarrfikëses, zjarret janë të qëllimshëm.
